2017-ci ilin yanvar-noyabr ayları ərzində Azərbaycanda fəaliyyət göstərən 21 sığorta şirkəti tərəfindən 504,23 mln. manat sığorta haqqı toplanmışdır. Bu da ötən ilin analoji dövrü ilə müqayisədə artım deməkdir. Belə ki, hım dövrdə 448,51 mln sığorta haqqı yığılmışdı. Həmin dövr ərzində sığorta şirkətləri tərəfindən həyata keçirilən ödənişlərin həcmi isə 230,88 mln. manat təşkil edib.
Banker.az-a bu barədə Maliyyə Bazarlarına Nəzarət Palatasında Məlumat daxil olub.
Cari ilin ilk 11 ayı ərzində sığorta bazarında toplanmış hər 100 manat sığorta haqqının 45,79 manatı sığorta hadisələrinin ödənişinə yönəldilib. Qeyd edək ki, 2016-cı ilin müvafiq dövründə bu göstərici 48,61 manat olub.
Könüllü sığorta bazarı üzrə haqlar ötən ilin müvafiq dövrü ilə müqayisədə 44 milyon 960 min manat artaraq 335 milyon 764 min manat təşkil edib. Bu sığorta növləri üzrə ödənişlər isə 13 milyon 688 min manat artaraq 179 milyon 720 min manata yüksəlib.
Cari ilin müvafiq dövrü ərzində sektor üzrə məcmu sığorta haqlarının 67%-i könüllü, 33%-i icbari sığorta növlərinin payına düşüb. Sığorta ödənişlərinin isə 78 %-i könüllü, 22%-i icbari sığorta növlərinin payına düşüb.
2017-ci ilin yanvar-noyabr ayları ərzində sığorta şirkətləri və sinifləri üzrə hesablanmış sığorta haqları və ödənişlərə dair ətraflı məlumatlar sığorta bazarının icmal göstəricilərində öz əksini tapıb.
Manatla
| № | Sığortaçının adı | Sığorta Haqları | Sığorta Ödənişləri |
| 1 | “A-Qroup Sığorta Şirkəti” | 5,294,140.79 | 7,146,022.73 |
| 2 | “AXA MBASK” Sığorta Şirkəti | 20,739,753.81 | 11,437,743.95 |
| 3 | “AtaSığorta” | 12,752,971.10 | 4,251,175.74 |
| 4 | “Atəşgah Həyat” Sığorta Şirkəti | 31,146,226.73 | 43,444,510.05 |
| 5 | “Atəşgah” Sığorta Şirkəti | 35,453,201.48 | 14,399,500.53 |
| 6 | “AzSığorta” | 23,658,629.05 | 8,387,988.26 |
| 7 | Azərbaycan Respublikası Dövlət Sığorta Kommersiya Şirkəti | 37,577,762.00 | 11,151,751.00 |
| 8 | “Azərbaycan Sənaye Sığorta” | 6,608,764.20 | 3,126,923.66 |
| 9 | “Bakı Sığorta” | 1,361,348.11 | 263,739.75 |
| 10 | “Günay Sığorta” | 8,775,725.96 | 1,001,857.78 |
| 11 | “Mega Sığorta” | 16,516,097.01 | 2,741,561.51 |
| 12 | “Paşa Həyat Sığorta” | 136,797,912.84 | 53,901,161.22 |
| 13 | “Paşa Sığorta” Şirkəti | 103,334,577.59 | 41,953,754.68 |
| 14 | “Qala Həyat” Sığorta Şirkəti | 18,606,235.35 | 16,153,672.82 |
| 15 | “Rəvan Sığorta” | 590,884.77 | 506,045.83 |
| 16 | “Standard Insurance” Sığorta Şirkəti | 11,957,929.60 | 5,132,339.21 |
| 17 | “Xalq Sığorta” | 7,176,968.40 | 3,705,870.87 |
| 18 | “Qala Sığorta” | 8,400,796.68 | 318,118.95 |
| 19 | “İPƏK YOLU SIĞORTA” ASC | 17,376,625.42 | 1,788,465.80 |
| 20 | “Amrah Sığorta” | 16,132.25 | 59,884.16 |
| 21 | “Naxçıvansığorta” | 92,115.49 | 8,231.75 |
| YEKUN | 504,234,798.63 | 230,880,320.25 |
