Azərbaycan Respublikası Dövlət Statistika Komitəsi 2017-ci ilin yanvar-aprel aylarında Ümumi Daxili Məhsul istehsalı haqda məlumat yayıb.
Məlumata görə, 2017-ci ilin yanvar-aprel aylarında ölkədə 20139,8 milyon manatlıq və ya əvvəlki ilin eyni dövrü ilə müqayisədə 1,2 faiz az ümumi daxili məhsul istehsal edib.
Bu dövrdə sənayenin neft hasilatı və emalı sahələrində istehsalın azalması ümumi daxili məhsulun həcminin azalmasına təsir edən əsas amil olunur.
Eyni zamanda, iqtisadiyyatın qeyri-neft bölməsində istehsal olunmuş əlavə dəyər əvvəlki ilin müvafiq dövrünə nisbətən 1,9 faiz artıb.
“Ümumi daxili məhsulun 44,6 faizi sənayedə, 11,0 faizi ticarət; nəqliyyat vasitələrinin təmiri sahələrində, 8,2 faizi tikintidə, 7,3 faizi nəqliyyat və anbar təsərrüfatı, 3,0 faizi kənd təsərrüfatı, meşə təsərrüfatı və balıqçılıq, 2,9 faizi turistlərin yerləşdirilməsi və ictimai iaşə, 1,7 faizi informasiya və rabitə sahələrində, 14,0 faizi digər sahələrdə istehsal edilmiş, məhsula və idxala xalis vergilər ÜDM-in 7,3 faizini təşkil etmişdir.” – deyə məlumatda qeyd edilib.
Əhalinin hər nəfərinə düşən ÜDM 2075,5 manata bərabər olmuşdur.
