Azərbaycanın Ukraynaya ixrac etdiyi xurma Rusiya bazarına göndərilir.
Bunu “Azərbaycan Xurma İstehsalçıları və İxracatçıları Assosiasiyasının İdarə Heyətinin sədri Qadir Yusifov bildirib.
Onun sözlərinə görə, Rusiya-Ukrayna sərhədində hal-hazırda maşınlarda min tondan çox xurma var, hansıki mövcud vəziyyətə görə, həmin maşınlar Ukrayna əvəzinə artıq Rusiya istiqamətinə dönərək qeri gəlirlər: “Eyni zamanda Rusiya-Ukrayna sərhədində neytral ərazidə dayanan Ukayna maşınlarını məhsulla birlikdə Rusiya əsgərləri tərəfindən müsadirə edilərək, əllərindən alınıb. Maşınlara Azərbaycan və İran xurması yüklənib və həmin məhsullar Ukrayna bazarı üçün nəzərdə tutulmuşdu”.
Q.Yusifov qeyd edib ki, Rusiya bazarında Azərbaycan xurmasının satışı hazırda normal rejimdə həyata keçirilir: “Azərbaycan xurması Rusiyada sərfəli qiymətə satılır”.
Qeyd edək ki, 2022-ci ilin yanvar ayında Azərbaycandan 22 min 840 ton dəyərində 17 milyon 132 min ABŞ dolları dəyərində xurma ixrac edilib.
2021-ci ildə isə Azərbaycan 125 milyon 895 min ABŞ dolları dəyərində 174 min 158 ton xurma ixrac edib.
