Unibank-ın sədri Eldar Qəribovun oğlu, azərbaycanlı poker oyunçusu İlkin Qəribli dünən bu oyun üzrə keçirilən PokerStars Caribbean Adventure müsabiqəsində qalib olmuşdur. Verilən məlumatlara görə, o final mərhələsində 1,105,040 dollar qazanmışdır.
Finalda İlkin Qəribli digər oyunçu Co Kuter ilə təkbətək qalmışdır. O isə öz növbəsində iki saatlıq oyundan sonra ikinci yerə sahib olmaqla 1,050,000 dollar əldə etmişdir.
Bu qələbə Qəribli üçün 3 gün ərzində milyondan çox dollar qazanmaq təcrübəsi olmaqla yanaşı, onun həyatında poker turniri çərçivəsində ilk oyunu idi. O bu müsabiqədən öncə yalnız həvəskar olaraq poker oynamışdı və onu müsabiqədə iştirak etməyə dostları razı salmışdı.
Qeyd edək ki, PokerStars Caribbean Adventure turniri 2004-cü ildən başlayaraq hər il Baham adalarında keçirilir və bu növdə ən prestijli müsabiqələrdən biri hesab edilir.
