“Azərişıq” ASC Göygöl rayonunda yeni yarımstansiyanın tikintisi ilə bağlı milyonluq satınalma həyata keçirib.
Banker.az xəbər verir ki, satınalmanın qalibi “Smart Energy Services” MMC olub.
Müqaviləyə əsasən, Göygöl rayonu ərazisində 2×40 MVA gücündə yeni 110/35/10 kV-luq yarımstansiya və idarəetmə mərkəzi tikiləcək, avadanlıqlar quraşdırılacaq, həmçinin 110 kV-luq “Daşkəsən 1-2” hava xəttindən budaqlanma işləri görüləcək.
Layihənin ümumi dəyəri 26 milyon 478 min manat təşkil edir.
