“Bakı Qida və Yağ Fabriki” MMC barəsində gömrük qaydaları əleyhinə olan inzibati xəta protokolu tərtib edilib.
Banker.az xəbər verir ki, bu protokol İnzibati Xətalar Məcəlləsinin 485.2-ci maddəsi ilə iddası ilə irəli sürülüb.
Protokol Bakı Şəhəri Nizami Rayon Məhkəməsinə göndərilib, hakim Rauf Əhmədovdur.
İXM-in 485.2-ci maddasinə görə, Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə -vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir.
Məlumat üçün bildirək ki, “Bakı Qida və Yağ Fabriki” MMC iyul ayında eyni maddə ilə məhkəməlik olub.
Qeyd edək ki, “Bakı Qida və Yağ Fabriki” “Azərsun Holdinq” şirkətlər qrupuna daxildir, nizamnamə kapitalı 5 911 159 manatdır və qanuni təmsilçisi Şahəddin İbrahimovdur.
