19 C
Baku
Cümə axşamı, May 26, 2022

“Az İnvest İnşaat”ın ötən il mənfəəti azalıb

“Az İnvest İnşaat” QSC 2021-ci ili 1 milyon 170 min manat xalis mənfəətlə başa vurub. 2020-ci ildə şirkətin mənfəəti 1 milyon 663 min manat olub ki, bu da illik müqayisədə 30% azalmadır.

Banker.az bu barədə şirkətin maliyyə hesabatına istinadən xəbər verir.

“Az İnvest İnşaat”ın ötən il əsas əməliyyat gəlirləri 16 milyon 190 min manat (əvvəlki ilə nisbətən 1.4 dəfə az) təşkil edib.

2021-ci ildə şirkətin cəmi aktivləri 9 milyon 683 min manat olub ki, bu da 1 il əvvələ nisbətən 0.4% artım deməkdir. Hesabat dövründə “Az İnvest İnşaat”ın öhdəlikləri 12% artaraq 8 milyon 112 min manat, kapitalı isə 1.5 dəfə azalaraq 1 milyon 571 min manat təşkil edib.

Xatırladaq ki, Azİnvest İnşaat QSC-nin əsas fəaliyyət növü yaşayış, ictimai və istehsalat obyektlərinin, həmçinin telekommunikasiya obyektlərin tikintisi, təmiri və yenidənqurma və digər tikinti – quraşdırma işləridir.

 

Son xəbərlər
Oxşar xəbərlər