16 C
Baku
Wednesday, May 22, 2024

Azad edilən ərazilərə əhalinin dayanıqlı məskunlaşmasının təmini üçün görüləcək işlər açıqlanıb

Azad edilən ərazilərə əhalinin dayanıqlı məskunlaşmasının təmin edilməsi istiqamətində görüləcək işlər açıqlanıb.

Bu, Prezident İlham Əliyevin imzaladığı sərəncamla təsdiqlənən “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”nda əksini tapıb.

Tədbirlər Planına əsasən, əhalinin dayanıqlı məskunlaşmasının təmin edilməsi istiqamətində aşağıdakı işlər görüləcək:

1.Müəyyən edilmiş fəaliyyət planlarına uyğun olaraq, yaşayış məntəqələrində təhlükəsiz yaşayışın təmin edilməsi;

2.Ərazilər üzrə dövlət sərhədinin etibarlı müdafiəsinin təmin olunması;

3.Yüksək standartlara cavab verən yaşayış məntəqələrinin, o cümlədən “Ağıllı şəhər” və “Ağıllı kənd” konsepsiyaları əsasında yeni müasir şəhərlərin və kəndlərin salınması ilə əhalinin layiqli həyat şəraitinin təmin edilməsi;

4.İşğaldan azad edilmiş ərazilərin etibarlı su, elektrik, qaz, istilik təminatının həyata keçirilməsi ilə bağlı zəruri layihələrin icrası;

5.Bərpa olunan enerji mənbələrindən istifadəyə əsaslanan “yaşıl” texnologiyaların tətbiqi ilə “yaşıl enerji” zonasının yaradılması;

6.Yüksək texnologiyaların tətbiqi ilə müasir rabitə, o cümlədən telekommunikasiya və poçt şəbəkələrinin qurulması;

7.Qabaqcıl standartlara uyğun təhsil, səhiyyə və sosial xidmətlərin yaradılması istiqamətində tədbirlərin həyata keçirilməsi, onların əlçatanlığının təmin edilməsi;

8.İşğaldan azad edilmiş ərazilərdə məşğulluq imkanlarının artırılması;

9.İnsan kapitalının inkişaf etdirilməsi;

10.Ərazilərdə sosial dəstək mexanizmlərinin geniş tətbiqi.

Son xəbərlər
 ⁠
Digər xəbərlər