“Azərbaycan Hava Yolları”nın Bakı-Ciddə-Bakı (Kral Əbdüləziz Beynəlxalq Aeroportu – JED) istiqamətində reyslərə aviabiletlərin satışına başlayıb.
Birbaşa uçuşlar aviaşirkətinin yay uçuş cədvəli çərçivəsində iyunun 10-dan etibarən həftədə 1 dəfə – bazar ertəsi günləri “Airbus A320” təyyarələri ilə həyata keçiriləcək. AZAL-ın mətbuat xidməti bildirir ki, reysin qış uçuş cədvəli çərçivəsində də davam etdirilməsi planlaşdırılır. Qış uçuş cədvəli aviaşirkətin saytında dərc olunacaq.