07.12.2024-cü il tarixindən “GigaMax” və “GigaMax+” internet paketlərində dəyişiklik ediləcək.
Banker.az xəbər verir ki, 14 yanvar 2025-ci il tarixindən etibarən “Azercell Telekom” MMC-nin fakturalı xətt sistemində korporativ abunəçilərə təqdim edilən “GigaMax” və “GigaMax+” internet paketlərində aşağıdakı dəyişikliklər tətbiq ediləcək:
| İnternet paketin adı | İstifadə müddəti | Maksimal sürət (mb/s) | Qiymət (AZN ƏDV daxil) | Təqdim edilən həcm |
| “GigaMax” | 30 gün | 1 | 16,9 | 60 GB |
| “GigaMax+” | 30 gün | 7 | 26,9 | 80 GB |
Müvafiq paketlərə qoşulmuş abunəçilər paketin növbəti yenilənməsindən sonra yeni şərtlərə uyğun olaraq paketlərdən istifadə edə biləcəklər. Müvafiq dəyişiklik ilə “GigaMax+” internet paketi çərçivəsində təqdim edilən internetdən istifadə sürəti artırılaraq daha rahat və əlverişli istifadə imkanı yaradılır.
“GigaMax” və “GigaMax+” internet paketlərinin digər şərtləri əvvəlki kimi qalmaqda davam edir, abunəçilərə həmin Paketlər çərçivəsində təqdim edilən həcm bitdikdən sonra istifadə müddətinin sonunadək 256 kb/s sürət həddində limitsiz həcmdə, əlavə ödəniş etmədən istifadə etmək imkanı təqdim edilir.
