32 C
Baku
Tuesday, July 23, 2024

“Azercell” ödəniş kartlarına dəyişiklik edir

“Azercell Telekom” MMC tərəfindən təqdim olunan xidmətlər iyulun 1-dən etibarən, fakturasız (SimSim) xətt sisteminə aid nömrələr üçün nəzərdə tutulmuş ödəniş (danışıq) kartlarının nominalına uyğun olaraq istifadə müddəti aşağıdakı kimi tətbiq ediləcəkdir:

Banker.az bu barədə “Azercell Telekom” MMC-ə istinadən xəbər verir.

Kartın nominalı (AZN ilə)                                      İstifadə müddəti (təqvim günü)
1                                                                           5
2                                                                           10
3                                                                           20
5                                                                           30
10                                                                         60
25                                                                         90
50                                                                         120
100                                                                       120
Bütün nominallı (1, 2, 3, 5, 10, 25, 50 və 100 AZN) ödəmə (danışıq) kartlarında yeni ödəmə kartı yükləmə müddəti ödəmə kartlarının nominalından asılı olaraq müəyyən edilən kartın istifadə müddəti + 180 gün kimi saxlanılır. Beləliklə də, abunəçi bu müddət ərzində yeni ödəmə kartı yükləyib istifadə imkanını yeni müddətə artırmaqla, eyni zamanda həmin yeni müddət bitənədək həm daha əvvəl yüklənmiş və istifadə edilməmiş məbləğlərdən, həm də yeni yüklədiyi ödəmə kartının məbləğindən istifadə imkanına malik olacaqdır.

Göstərilənlərlə yanaşı, fakturasız (SimSim) xətt sisteminə aid nömrələrin balasına elektron ödəniş üsulları ilə sərbəst seçilən nominalda pul vəsaitinin yüklənməsi imkanı təmin edilir. Fakturasız (SimSim) xətt sisteminə aid nömrələr üçün nəzərdə tutulmuş 1, 2, 3, 5, 10, 25, 50 və 100 AZN nominallarının əvəzinə, elektron ödəniş üsulları vasitəsilə həyata keçirilən ödənişlərə görə aşağıdakı cədvəldə göstərilən aralıqda məbləğlər və müvafiq istifadə müddətləri təyin ­edilir:

 

Ödəniş məbləğinin aralığı                                     İstifadə müddəti (təqvim günü)
1 AZN-dən – 1,99AZN-dək                                   5
2 AZN-dən – 2,99 AZN-dək                                 10
3 AZN-dən – 4,99 AZN-dək                                 20
5 AZN-dən – 9,99 AZN-dək                                 30
10 AZN-dən – 24,99 AZN-dək                             60
25 AZN-dən – 49,99 AZN-dək                             90
50 AZN-dən 99,99 AZN-dək                                120
Elektron ödəniş üsulları vasitəsilə ödəniş üçün daxil edilən məbləğin minimal həddi 1 AZN təşkil edir.

Qeyd – abunəçilər göstərilən dəyişikliklər, tarif və internet paketlərinin şərtləri, sifarişi, başqası ilə əvəzetmə və imtina qaydası barədə, o cümlədən “Azercell Telekom” MMC tərəfindən təqdim olunan xidmətlər, tariflər və keçirilən kampaniyalar barədə ətraflı məlumatları rəsmi internet səhifəmizdən (www.azercell.com), həmçinin Müştəri Xidmətlərinə (MX ofisləri, həftənin 7 günü 24 saat ərzində fəaliyyət göstərən telefon mərkəzi) müraciət etməklə əldə etmək imkanına malikdirlər.

Son xəbərlər
Digər xəbərlər