“AzerGold” QSC 2024-cü ilin 1-ci yarısını 1 milyon 51 min dollar xalis mənfəət ilə başa vurub.
Banker.az bu barədə QSC-nin yarımillik hesabatına istinadən xəbər verir.
2024-cü ilin ilk 6 ayında “AzerGold” şirkətinin satışdan gəlirləri 52 milyon 100 min dollar təşkil edib. Ötən ilin eyni aylarında bu göstərici 40 milyon 357 min dollar olub ki, bu da illik müqayisədə 29% artım deməkdir.
Cari ilin yarımilliyində “AzerGold”un cəmi aktivləri 459 milyon 30 min dollar, cəmi öhdəlikləri 140 milyon 848 min dollar, cəmi kapitalı isə 318 milyon 182 min dollar olub.
