Azərbaycanın dünya bazarına çıxardığı neft markası son sutkada bir qədər də bahalaşaraq 2014-cü ildən bu tərəfə ilk dəfə barreli 90 dolları ötüb.
Banker.az xəbər verir ki, “Azeri Light” markalı xam neftin bir barreli sutkada 72 sent, yaxud 0.8% bahalaşma ilə 90.56 dollar olub.
Xatırladaq ki, Azərbaycan neftinin bir barelinin bu il ərzində maksimum qiyməti oktyabrın 25-də (88.19) qeydə alınmışdı. Beləliklə, hazırkı qiymətlə 2015-ci ildən bu tərəfə maksimum yeniləməsi deməkdir.
2022-ci ilin yanvarın əvvəli Azərbaycan OPEC+ alyansının hasilatın artırılması ilə bağlı bəyamnaməni alqışladı. Yeni “Əməkdaşlıq Bəyannaməsi” Azərbaycanda gündəlik xam neft hasilatının 2022-ci ilin fevralında daha 7 min barrel artırılaraq 668 min barrelə çatdırılmasını, ixtisarla bağlı öhdəliyin isə 50 min barrel həcmində olmasını nəzərdə tutur.
2021-ci ilin dekabrındakı anlaşmada isə Azərbaycanda gündəlik xam neft hasilatının 2022-ci ilin yanvarında daha 7 min barrel artırılaraq 661 min barrelə çatdırılmasını, ixtisarla bağlı öhdəliyin isə 57 min barrel həcmində olmasını nəzərdə tutlurdu.
