Azərbaycan Respublikasının Qida Təhlükəsizliyi Agentliyi (AQTA) “AzGranata” MMC-nin Ağsu rayonu, Hacıqədirli kəndindəki üzüm becərilməsi sahəsində nöqsanlar aşkarlayıb.
Banker.az AQTA-ya istinadən xəbər verir ki, monitorinqlər nəticəsində müəssisədə sanitar norma və qaydaların pozulduğu aşkar edilib.
Dövlət Agentliyinin məlumatına əsasən, “AzGranata” MMC-yə nöqsanlarla bağlı inzibati protokol tərtib olunub.
AQTA həmçinin, “Dəvəçi Taxıl” MMC-nin Şabran rayonu, Ağalıq kəndindəki un dəyirmanında da sanitar norma və qaydaların pozulması halını aşkarlayıb. Bu müəssisəyə də inzibati protokol tərtib olunub.
