BƏƏ-də sərmayəçilərə daimi yaşamaq hüququ və xüsusi “qızıl kart” veriləcək

0

Sərmayəçilər və iş adamları Birləşmiş Ərəb Əmirliklərində daimi yaşamaqhüququna malik olacaqlar və onlara xüsusi “qızıl kart” veriləcək.

Bu barədə BƏƏ-nin vitse-prezidenti və baş naziri, Dubayın əmiri şeyx Məhəmməd bin Rəşid Əl Maktumun açıqlamasında bildirilir.


Kredit müraciəti

Sizin müraciətiniz banka göndərildi.

Qeyd olunur ki, “daimi vizanin” verilməsi təşəbbüsü ölkəyə daha çox sərmayələrin, mühəndislərin, alimlərin və istedadlı tələbələrin cəlb edilməsi məqsədi daşıyır. Dubayın əmirinin sözlərinə görə, “qızıl kart” sistemi səhiyyə, mühəndislik, elm və incəsənət sahəsindəki sərmayəçilər və görkəmli mütəxəssislər üçün nəzərdə tutulub.

Şeyx Məhəmməd bin Rəşid Əl Maktum deyib: “Bu “qızıl kart”lar Birləşmiş Ərəb Əmirliklərinin uğur tarixinə töhfə vermiş şəxslərə veriləcək. Biz istəyirik ki, onlar bizim səyahətimizdə daimi yol yoldaşımız olsunlar”.

Qeyd etmək lazımdır ki, birinci mərhələdə daimi rezidentlik hüququ BƏƏ-yə, ümumilikdə, 100 milyard dirhəm ( 27,3 milyard dollar) sərmayə yatırmış 6,8 min nəfərə veriləcək.

©Azərtac