4 C
Baku
Friday, March 29, 2024

Bəzi yanacaq markaları gömrük rüsumundan azad edilib

Azərbaycana gətirilən “TC-1” markalı təyyarə yanacağı, “KO-20” və “KT-2” markalı kerosin gömrük rüsumundan azad edilib
Nazirlər Kabineti “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişikliklər edib.

Banker.az-ın məlumatına görə, dəyişiklik reaktiv mühərriklər üçün “TC-1” markalı yanacağın, o cümlədən “KO-20” markalı işıqlandırıcı kerosin və “KT-2” markalı texniki məqsədlər üçün kerosinin 15 faiz idxal gömrük rüsumundan azad edilməsi ilə bağlıdır.

Bu qərar dərc edildiyi gündən 30 gün sonra, yəni mayın 15-də qüvvəyə minir və 2020-ci il yanvarın 1-dək qüvvədədir. Qərara əsasən, reaktiv mühərriklər üçün digər yanacaq və digər məqsədlər üçün kerosinə 15 faiz idxal gömrük rüsumu isə qüvvədə saxlanılıb.
“Azərbaycan Respublikasının ərazisinə gətirilən aksiz vergisinə cəlb olunan malların aksiz dərəcələri”ndə də dəyişiklik edilib. Qərar ölkəyə gətirilən reaktiv mühərriklər üçün “TC-1” markalı yanacaq, o cümlədən “KO-20” markalı işıqlandırıcı kerosin və “KT-2” markalı texniki məqsədlər üçün kerosinin 1 tonuna 1 manat aksiz vergisi tətbiq olunmasını nəzərdə tutulur.

Bu qərar da 30 gün sonra, yəni mayın 15-də qüvvəyə minir və 2020-ci il yanvarın 1-dək qüvvədədir.

Qərara əsasən reaktiv mühərriklər üçün digər yanacaq və digər məqsədlər üçün kerosinin 1 tonuna 80 manat aksiz vergisi tətbiq olunması qüvvədə saxlanılıb.

Xatırladaq ki, bundan əvvəl 31 yanvar 2018-ci il tarixədək Azərbaycana gətirilən “TC-1” markalı təyyarə yanacağı, “KO-20” və “KT-2” markalı kerosin gömrük rüsumundan azad olub, bu məhsulların 1 tonuna 1 manat aksiz vergisi tətbiq edilib.

Son xəbərlər
Digər xəbərlər