20 C
Baku
Şənbə, May 28, 2022

B.Britaniya Rusiyaya dəbdəbəli malların ixracını qadağan edir

Böyük Britaniya hökuməti bundan sonra Rusiya və Belarusa ixrac əməliyyatları üçün yeni zəmanətlər, kreditlər və sığortalar verməyəcəyini açıqlayıb.

Banker.az bu barədə xarici KİV-ə istinadən xəbər verir.

ABŞ və Avropa İttifaqının ardınca Böyük Britaniya da Rusiyaya dəbdəbəli malların ixracına qadağa qoyacaq və araq daxil olmaqla, Rusiya mallarının idxalına 35% rüsum tətbiq edəcək.

London hər iki ölkəni ÜTT (Ümumdünya Ticarət Təşkilatı) üzvlüyünün əsas üstünlüklərindən məhrum edəcək.

Böyük Britaniya hökuməti həmçinin 900 milyon funt sterlinq dəyərində malların ilkin siyahısını dərc edir və indi mövcud tariflərə əlavə olaraq 35% əlavə rüsum tətbiq ediləcək. Birləşmiş Krallıq G7 müttəfiqləri ilə birlikdə Rusiyaya dəbdəbəli malların ixracını qadağan edəcək.

“Rus arağı tarif artımından təsirlənən əlamətdar məhsullardan biridir, ixrac qadağasının isə dəbdəbəli avtomobillərə, yüksək səviyyəli moda və incəsənətə təsir edəcəyi ehtimal olunur”, – mesajda bildirilib.

Son xəbərlər
Oxşar xəbərlər