Azərbaycanda 2020-ci ildə lisenziyası ləğv edilmiş “AGBank” ASC dövlət şirkətinin törəməsini məhkəməyə verib.
Banker.az xəbər verir ki, lisenziyası ləğv edilmiş bank (bankın adından ləğvedicisi kimi ADIF çıxış edir) “BOS SHELF” MMC ilə bağlı Bakı Kommersiya Məhkəməsinə müraciət edib.
Müraciət etməsinə səbəb isə kredit müqaviləsi ilə bağlıdır.
Qeyd edək ki, “BOS SHELF” MMC 2001-ci ildə SOCAR və BƏƏ-nin şirkəti Bosshelf International ilə birgə yarı-yarı payla təsis edilib.
Stasionar dərin dəniz özüllərinin metal konstruksiyalarının hazırlanması, stasionar dərin dəniz özüllərinin və özullərin yuxarı hissələrinin blok-modullarının metal konstruksiyalarının MMC-nin dənizkənarı quraşdırma meydançalarında böyük həcmdə yığma, quraşdırma və suya salınma, yerinə nəql edilməsi üzrə podrat işləri, təşkilat və xarici firmaların sifarişi ilə stasionar dərin dəniz özüllərinin dənizdə quraşdırılması, möhkəmləndirilməsi, layihə-konstruktur və digər podrat xidmətlərinin göstərilməsi ilə məşğuldur.
