Ötən ilin payızında “MuğanBank” ASC-nin lisenziyası ləğv edildikdən sonra onun kredit portfelinin bir hissəsi “Bank Respublika” ASC-yə ötürülüb.
Banker.az xəbər verir ki, ləğvedicisi qismində çıxış edən Əmanətlərin Sığortalanması Fondu “MuğanBank” ASC-nin 10 milyon 421 min manat məbləğində lombard kredit portfelini və həmin məbləğin 1% məbləğində komisyon muzdunu “Bank Respublika”ya ötürüb.
1 oktyabr 2023-cü il tarixinə “MuğanBank”ın 447.41 mln. manat kredit portfeli olub. Təqribən bunun 50 milyon manata qədəri istehlak kreditləri idi.
Xatırladaq ki, 18 oktyabr 2023-cü il tarixində tənzimləyici Azərbaycan Mərkəzi Bankının İdarə Heyətinin qərarı ilə “MuğanBank” ASC-nin lisenziyası ləğv edilib.
