“Bakı Metropoliteni”nin dövlətə vergi borcu 12 milyon manatı ötdü

“Bakı Metropoliteni” Qapalı Səhmdar Cəmiyyətinin dövlət qarşısında vergi borcu daha da artıb.

Bu barədə Banker.az-ın İqtisadiyyat Nazirliyi yanında Dövlət Vergi Xidmətinin məlumat bazasından etdiyi rəqəmlər deyir.

Məlumata əsasən, “Bakı Metropoliteni” QSC-nin 4 may 2021-ci il tarixinə qədər 10 milyon 375 min 362 manat vergi borcu var idi. Hal-hazırda isə “Bakı Metropoliteni” QSC-nin vergi borcu 12 milyon 19 min 438 manat təşkil edir.

Qeyd edək ki, bu borclar barədə son məlumat 4 iyul 2021-ci il tarixinə qədər olandır.

Xatırladaq ki, “Bakı Metropoliteni” QSC-nin nizamnamə kapitalı 1 770 950 768 AZN-dir və qanuni təmsilçisi isə Zaur Hüseynovdur.

Bildirək ki, “Bakı Metropoliten” QSC-nin tam fəaliyyət göstərə bilmədiyi 2020-ci il ərzində 83.54 milyon manat həcmində zərər etmişdir. Bu zərərdən sonra balansındakı yığılmış zərərin həcmi 565.24 milyon manata çatıb.


Kredit müraciəti

Sizin müraciətiniz banka göndərildi.