Azərbaycan vətəndaşları və xaricilərin Bakıda keçiriləcək şopinq festivalı zamanı apardığı ticari əməliyyatlarına görə əlavə dəyər vergisinin (ƏDV) geri qaytarılmasının (“tax free”) mümkün olacağı bankların siyahısı açıqlanıb.
“Bakı Ticarət Festivalı”nın informasiya mərkəzindən Trend-ə verilən məlumata görə, ƏDV-ni 5 bankın – Kapital Bank, PASHA Bank, Yapi Kredi Bank Azerbaijan, Bank Silk Way və Azərbaycan Sənaye Bankının filiallarında geri almaq mümkün olacaq.
Qeyd edək ki, festival aprelin 10-dan mayın 10-dək keçiriləcək.
