15 C
Baku
Thursday, March 28, 2024

Bakıda iki gün ərzində bir sıra küçələr bağlanacaq – Siyahı

27 sentyabr – Anım Günü ilə əlaqədar bəzi küçə və prospektlərdə nəqliyyatın hərəkəti məhdudlaşdırılacaq.

Bu barədə Bakı Şəhər Baş Polis İdarəsinin Dövlət Yol Polisi İdarəsinin baş inspektoru, polis mayoru Araz Əsgərli məlumat verib.

O bildirib ki, Anım Günü münasibətilə keçiriləcək tədbirlərlə əlaqədar təhlükəsizliyi təmin etmək məqsədilə sentyabrın 26-sı və 27-si bəzi küçə və prospektlərdə bütün növ nəqliyyat vasitələrinin hərəkəti məhdudlaşdırılacaq:

“27 sentyabr Anım Günü münasibətilə paytaxt ərazisində keçiriləcək tədbir saat 09:00-dan 13:00-a qədər nəzərdə tutulub. Tədbir Azneft dairəsi, Neftçilər prospekti, Kövkəb Səfərəliyeva, Yusif Səfərov, Üzeyir Hacıbəyov, Zərifə Əliyeva küçələri, Parlament prospekti, Mehdi Hüseyn, Teymur Elçin, İstiqlaliyyət küçələri istiqamətində Ağ Şəhər Bulvarı olmaqla nəzərdə tutulub. Qeyd olunan istiqamətlərdə, paralel və bitişik küçələrdə hərəkət bütün növ nəqliyyat vasitələri üçün məhdudlaşdırılacaq. Vətəndaşlardan şəxsi minik vasitələrindən istifadə etməməyi xahiş edirik”.

A.Əsgərli onu da əlavə edib ki, adıçəkilən küçələrdə keçiriləcək tədbirlərlə əlaqədar sentyabrın 26-da səhər 07:30-dan 10:00-adək, sentyabrın 27-də isə 06:30-dan 14:00-dək yollarda avtomobillərin hərəkəti məhdudlaşdırılacaq.

 

 

Son xəbərlər
Digər xəbərlər