Bakıda investorlar aviaşirkətin dollar istiqrazlarını “gözüyumlu” aldılar – Tələb təklifi üstələyib!

23 dekabr 2024-cü il tarixində Bakı Fond Birjasında “Silk Vey Vest Aviaşirkəti” MMC-nin (Silk Way West Aviation) istiqrazlarının yerləşdirilməsi üzrə hərracda tələbin yüksəlməsi dollar istiqrazlarının gəlirliliyinə xeyli təsir edib.

Banker.az xəbər verir ki, aviaşirkət 5.5 faiz gəlirliklə istiqraz bazarında təkliflər etsə də, istiqrazların gəlirliliyinin maksimal həddi 5.5 faiz minimal gəlirliliyi isə 4.08 faiz olub. Orta çəkili gəlirlilik faizi isə 4.81 faiz olub.

“Silk Way Holding”ə daxil olan aviaşirkət bu hərracda 20 mln. manat cəlbini nəzərdə tutmuşdu, lakin qeyd edilən tələbin yüksəlməsi onun dollar istiqrazlarından ümumilikdə 20.38 mln. manat reallaşdırmasına gətirib çıxrıb.

13 investorlar bu hərracda iştirak etməsinə rəğmən onlar tərəfindən təklif iri həcmlidir. Belə görünür, “Silk Vey Vest Aviaşirkəti” MMC-nin öncəki təcrübəsi, ABŞ dollarında olması fonunda istiqrazlarını daha aşağı gəlirliliklə almağa razılaşıblar. Maliyyə bazarlarında istiqrazların gəlirliliyi (faiz dərəcəsi) və onların qiyməti arasında tərs əlaqə var: istiqrazlara tələbat artdıqca onların qiyməti artır, nəticədə isə investor üçün gəlirlilik azalır. Nəticədə, orta çəkili gəlirlilik 4.81 faiz səviyyəsində formalaşıb.

Xatırladaq ki, Silk Way Airlines baş ofisi və əsas əməliyyat bazası Heydər Əliyev Beynəlxalq Aeroportunda yerləşən Azərbaycan hava yükdaşımaları şirkətidir. Aviaşirkət müxtəlif yükdaşıma xidmətlərini həyata keçirir. Silk Way Airlines Bakıda yerləşən mərkəzindən bütün Asiya və Avropaya uzanan qitələrarası marşrutlar üzrə müntəzəm uçuşlar ilə bərabər, belə uçuşların yerinə yetirilməsi çətin olan ərazilərdə geniş təcrübəyə malikdir. Şirkət bundan öncə də fond bazarında ABŞ dollarında istiqrazlar buraxıb.

İstiqrazlar üzrə məlumatlar aşağıdakı kimidir: