Son illər Bakı şəhərində mənzil fondunun özəlləşdirilməsi sayında azalma qeydə alınıb.
Bu barədə agentliyə Bakı Şəhər Statistika İdarəsindən bildirilib.
2000-ci ildə özəlləşdirilən mənzillərin sayı 8,8 min ədəd olduğu halda, 2014-cü ildə bu göstərici 3,2 min ədəd olub.
Özəlləşdirilən mənzillərin sayı ən çox 2005-ci ildə (10,4 min ədəd) olub.
Ən aşağı göstərici 2012-ci ildə (2,9 min ədəd) qeydə alınıb.
2013-cü özəlləşdirilən mənzillərin sayı 3,6 min ədəd olub.
Özəlləşdirilən mənzillərin ümumi sahəsində də azalma qeydə alınıb. 2000-ci ildə özəlləşdirilən mənzillərin ümumi sahəsi 484,4 min kv.m. olub. Ən yüksək rəqəm 2005-ci ildə (678,6 min kv.m.) qeydə alınıb. 2014-cü ildə isə özəlləşdirilən mənzillərin ümumi sahəsi 193,3 min kv.m olub.
