Çinin Ci’an şəhərindən Çex Respublikası paytaxtı Praqaya Trans-Xəzər Beynəlxalq Nəqliyyat Dəhlizi (TİTR) vasitəsilə 42 konteyner daşıyacaq qatar Bakı – Tbilisi – Qars yolu ilə, daha sonra da Bosfor (İstanbul) boğazı altından keçən “Marmaray” xətti vasitəsilə Avropaya gedəcək ilk yük qatarı olacaq.
Noyabrın 5-də İstanbulda qarşılanma mərasimi keçiriləcəyi qatar “China Railway Express”-a məxsusdur. Operatoru “Trans-Xəzər Beynəlxalq Nəqliyyat Dəhlizi” Asosiasiyası olan marşrut TİTR-ın üzvü olan Qazaxıstan, Azərbaycan, Gürcüstan, Türkiyə ərazilərindən keçir.
Qeyd edək ki, aprel ayında Pekində keçirilən “Bir kəmər, bir yol” (“Belt and Road”) Beynəlxalq İqtisadi forumu zamanı TİTR Asosiasiyasına daxil olan “ADY Container LLC” ilə Çinin “Xi”an Continental Bridge International Logistics” şirkəti arasında imzalanan müqaviləyə əsasən tərəflər cari ilin sonunadək 30 konteyner qatarı yola salmağı öhdəliklərinə götürüblər. Bu qatarların 20-si artıq göndərilib.
©Report
