Azərbaycan Respublikasının Maliyyə Bazarlarına Nəzarət Palatası Bank fəaliyyətinə nəzarət departamentinin Daxili nəzarət idarəsinə inspektor vəzifəsi üzrə vakansiya elan edir.
Azərbaycan Respublikası Prezidentinin 3 fevral 2016-cı il tarixli, 760 nömrəli Fərmanına uyğun olaraq, qiymətli kağızlar bazarı, investisiya fondları, sığorta, kredit təşkilatları (bank, bank olmayan kredit təşkilatları və poçt rabitəsinin operatoru) və ödəniş sistemləri fəaliyyətinin lisenziyalaşdırılması, tənzimlənməsi və nəzarəti, habelə cinayət yolu ilə əldə edilmiş pul vəsaitlərinin və ya digər əmlakın leqallaşdırılması, terrorçuluğun maliyyələşdirilməsinin qarşısının alınması sahəsində nəzarət sisteminin təkmilləşdirilməsini, həmçinin bu sahələr üzrə nəzarət sisteminin şəffaflığını və çevikliyini təmin etmək məqsədi ilə Azərbaycan Respublikasının Maliyyə Bazarlarına Nəzarət Palatası publik hüquqi şəxs yaradılmışdır.
Yüksək peşəkar və şəxsi keyfiyyətlərə malik, daim öz peşəkarlıq səviyyəsini təkmilləşdirən, yeni fəaliyyət üsullarının effektiv mənimsənilməsinə çalışan, biliklərini iş prosesinin səmərəsini artıracaq şəkildə tətbiq edə bilən və maliyyə bazarının uğurlu inişafı üçün bütün gücünü səfərbər etməyə hazır olan hər bir uyğun namizəd bizə müraciət edə bilər.
TƏLƏB OLUNAN TƏHSİL VƏ İŞ TƏCRÜBƏSİ
-
- Tam ali təhsil (Maliyyə, iqtisadiyyat)
- Daxili audit və analoji sahə üzrə 3 il iş təcrübəsi (Plastik kartlar sahəsində biliklərə malik olma arzuolunandır)
- CİA, FRM, ACCA, AML/CFT – üzrə müxtəlif sertifikatlar (Bu sertifikatların olması məcburi deyil, arzuolunandır)
- Səlis Azərbaycan, yaxşı səviyyədə ingilis və rus dili bilikləri.;
- MS Office proqram paketlərindən sərbəst şəkildə istifadə;
- Yüksək analitik bacarıqlar, təqdimat bacarıqları, operativlik və gərgin iş rejimində işləmək bacarığı, normayaradıcılıq bacarığı, təşəbbüskarlıq, problemləri həll etmə, qərarvermə, təşkilatçılıq, analitik düşüncə
VƏZİFƏ ÜZRƏ ÖHDƏLİKLƏR VƏ FƏALİYYƏTLƏR:
- Kredit təşkilatlarında həyata keçirilən hərtərəfli və tematik yoxlamalarda iştirak etmək;
- Yoxlama zamanı çoxsaylı məlumatların və hesabatların toplanmasını təmin etmək, cədvəllərin və digər hesabat formalarının hazırlanmasında iştirak etmək;
- Daxili və xarici müxabirləşmə üzrə sənədlərin qəbulu və emalını həyata keçirmək və rəy cavablarını hazırlamaq;
Göstərilən tələblərə cavab verən namizədlər öz CV-lərini mövzuda vakansiyanın adını qeyd etməklə [email protected] elektron ünvanına göndərə bilərlər.
