Bakıda döyülən şəxsin “Azəriqaz”-ın əməkdaşı olduğu deyilir
Növbətçi Bu gün səhər saat 10:00-da Bakının Nəsimi rayonu ərazisində bank işçiləri ilə sürücü arasında insident olub. Nəsimi Rayon Polis İdarəsindən verilən məlumata görə, hadisə Süleyman Rüstəm küçəsilə Şamil Əzizbəyov küçəsinin kəsişməsində baş verib.
Belə ki, həmin ərazidən keçən avtomobilin sürücüsü siqnal verib. Bu zaman həmin ərazidə yerləşən banklardan birinin işçisi sürücüyə iradını bildirib. Nəticədə dava düşüb. Davaya bankın digər işçiləri də qarışıb. Bir neçə işçi sürücünü döyüblər.
Nəticədə 31 yaşlı Afiq Camalov ağır yaralanıb. Hadisə yerinə gələn həkimlər Afiq Camalova ilkin yardım göstəriblər və onu xəstəxanaya yerləşdiriblər. Afiq Camalova döş qəfəsinin əzilməsi diaqnozu qoyulub
Döyülən şəxs “Azəriqaz” İB-nin əməkdaşı olduğu deyilir.
Faktla bağlı araşdırma aparılır.
ANS PRESS
