“Bank of Baku” aqro, biznes və turizm kreditləri üzrə faiz dərəcələrini endirib

“Bank of Baku” ASC (BoB) bazara çıxardığı 5 kredit məhsulunun fazi dərəcələrini endirib.

Banker.az saytı bildirir ki, endirimlər əsasən 2-3% arasında dəyişib.

Son aylarda yeni nazirin dəyişikliyindən sonra kənd təsərufatı üzrə kreditlərin (aqrokreditlər) verilməsində aktivləşmə BoB tərəfindən də cəlbedici olunmasına çalışılıb. Belə ki, bu günə qədər aqrokreditlərin illik ödəniş faizi 26-32 faiz təşkil etdiyi halda bank 2 faiz endirərək 26-30% dərəcəsində saxlayıb. Lakin, faizlərin azaldılması ilə yanaşı maksimum verilmə medəti 36-aydan 24 aya qədər qısaldılıb.

BoB ən cəlbedici endirimi Biznes kreditləri, İstehlak SME və Turizm kreditləri üzrə üzrə edib. Belə ki, bu günə qədər 23-25% illik fazi dərəcəsi ilə təklif etidyi halda, bu gündən 20-22% dərəcəsi ilə təklif etməyə başlayıb. Qeyd edək ki, hazırda 20 000 – 300 000 manat məbləğində bu kreditlər verilir.

Bank kiçik biznes kreditlərinin faizini də endirərək 26-30% dərəcəsində müəyyən edib. Aqrokreditdə olduğu kimi faizlə yanaşı verilmə müddətini 36 aydan 24 aya qədər yaxınlaşdırıb.