“Bank of Baku”nun rəhbərliyində dəyişiklik olub

Aslan Nəbiyev Mikro və KOS kreditlər departamentinə yeni direktor təyin olunub.

Banker.az xəbər verir ki,““Bank of Baku” ASC-nin Mikro və KOS kreditlər departamentinin direktoru Rüstəm Məlikov tutduğu vəzifədən ayrılıb.

Bundan sonra o, fəaliyyətini “NIKOIL Bank” ASC-nin Mikrokreditlər departamentinin direktoru kimi davam etdirəcək

“Bank of Baku” ASC-nin Mikro və KOS kreditlər departamentinin direktoru vəzifəsinə isə bu bankın Sumqayıt filialının direktoru Aslan Nəbiyev təyin edilib.

A.Nəbiyev artıq uzun illərdir ki, “Bank of Baku”da çalışır və peşəkar bankçı kimi tanınır.