Mərkəzi Bankın uçot dərəcəsini 15% qaldırdıqdan sonra kredit faizləri bütün banklarda artırılmışdır. Lakin bəzi bankların təklif etdiyi faizlər açığı bizi təəccübləndirib. BTB Bank təqaüdçülərə illik 38%-lə kredit təklif edir.
Sektorda pensiyaçılara kredit verən 3-cü bank olmasına baxmayaraq, bank yüksək faizləri ilə fərqlənməyə nail ola bilib. Məluimat üçün bildirək ki, digər banklar təqaüdçülərə təxminən illik 30% civarında kredit verir.
Qeyd edək ki, Azərbaycanda banklar bu qədər yüksək faizlə kreditləri 2000-ci illərin əvvəllərində verirdilər. Bu daha çox resursların baha başa gəlməsi və əhalinin kreditə öyrəşməməsi səbəbindən riskli olması ilə bağlı idi.
