“Bank VTB (Azərbaycan)” ASC 2025-ci ilin yanvar-sentyabr aylarını 10 milyon 490 min manat xalis mənfəət ilə başa vurub. Ötən ilin eyni dövründə bank 6 milyon 140 min manat mənfəət etmişdir ki, bu da illik müqayisədə 71% artım deməkdir.
Banker.az bu barədə bankın maliyyə hesabatına istinadən xəbər verir.
GƏLİRLƏRİ ARTIB
Ötən il “Bank VTB (Azərbaycan)”ın cəmi gəlirləri 42 milyon 469 min manat (əvvəlki ilə nisbətən 27% çox), cəmi xərcləri 32 milyon 568 min manat təşkil edib.
KREDİT PORTFELİ BÖYÜYÜB
Hesabat dövründə bankın cəmi aktivləri 298 milyon 275 min manat olub. Bunun 242 milyon 36 min manatı müştərilərə verilmiş kreditlərdir. Belə ki, bankın kredit portfeli 9 ayda 3% artıb.
