30 aprel 2018-ci il tarixində Bank VTB (Azərbaycan) ASC-nin Səhmdarlarının növbəti Ümumi Yığıncağı keçiriləcək.
Banker.az xəbər verir ki, bu barədə Bankın İdarə Heyətinin açıqlamasında deyilir.
İclasın gündəliyi Bankın Səhmdarlarının növbəti Ümumi Yığıncağının katibinin seçilməsi haqqında; Bankın 2017-ci ilə olan maliyyə hesabatlığına baxılması haqqında; Bankın 2017-ci ilə olan mənfəətinin bölüşdürülməsi və dividentlərin ödənilməsinə dair təkliflərə baxılması kimi məsələlər müzakirə ediləcək. Bildirək ki, 2017-ci ilin 4 rübü ərzində “VTB” bankı 4 milyon 753 min Azərbaycan manatı xalis mənfəət edib.
Qeyd edək ki, Yığıncaq saat 11.00-da Bankın Bakı ş., Xətai prospekti 38 ünvanında yerləşən ofisində baş tutacaq.
