Banklarda və maliyyə təşkilatlarında call-centre işinin təşkili də vacib məqamlardan biridir.
Hər hansı bir bank təşkilatında müştəri bazasının yaradılması ilə bağlı bir fikir yarandıqda call-centre olmadan həll edilməsi mümkün olmayan tapşırıqlar meydana çıxır. Bu səbəbdən də son zamanlar banklarda call-centre-lara olan tələbat artmış, onların işinin təşkilinə daha diqqətlə yanaşılmışdır.
Bankdan asılı olaraq call-centre-ların icra etdikləri iş xarakter baxımından bir qədər fərqlənə bilər. Ümumilikdə isə call-centre-lardan tələb olunan nədir?
- Sutkalıq iş;
- Əməliyyatçıların qəbuluna müştəri növbələrini azaltmaq (sürətli əlaqələndirmə);
- Müştərinin call-centre-la danışıq zamanını minimallaşdırmaq (müştəri və yaxud bankın vəsaitlərinə qənaət etmək məqsədi ilə);
- Daxil olan zəngləri uyğun gələn operatorlar, həmçinin filiallar ilə əlaqələndirmək;
- Müştərilərin tələblərini əməliyyatçıların köməyi olmadan belə həll etməyi bacarmaq;
- Müştərilərə, partnyorlara, filiallara və şöbələrə məlumatlandırma, sorğu, marketinq, reklam və PR (telemarketinq) məqsədləri ilə zənglər etmək;
- Əməliyyatçıların fəaliyyətinə 100 faizlik nəzarət etmək, zənglərin statistikasının təhlili və sənədləşdirilməsi;
- İnformasiya təhlükəsizliyi və məlumatların fiziki təhlükəsizliyini təmin etmək;
Yuxarıda sadalanan tələblərə uyğun call-centre yaratmaqla bank müştərilərə yüksək səviyyədə xidmət göstərilməsi yolundan əhəmiyyətli addım atmış olar.
