Bank işi bir çox kommersiya strukturlarından fərqlənir. Biznesin xarici görünüşü daxili sistemindən başlayaraq geyim tərzi, müştəri ilə danışıq üslubu, aksesuarlar və sair spesifikalara məxsusdur.
Bank sisteminin böyük bir hissəsi sırf müştəri ilə əlaqədar olduğundan, banka işçi götürüldüyü zaman xarici görünüşə və danışıq üslubuna hər zaman fikir verirlər. Ümumi qəbul edilmiş müasir dizaynlı ofislər, dəbdədbəli rəhbər otağı, müzakirə zalları həmin bankın vacibliyi, kaloriti barədə məlumat verir. Lakin daxil olduğunuz müasir dizaynlı bank ofisi bir anın içərisində sizin gözünüzdə dəyişə bilər. Təbii ki, buna səbəb bank işçilərinin sizə olan münasibətidir.
Bu məqaləni yazmaqda məqsədimiz bəzi bank işçilərində olmayan etiket qaydalarıdır. Təbii ki, bunu bütün banklara aid etmək olmaz. Çünki, müştəri ilə danışıq üslubu, rəftarı çox üstün səviyyədə olan bank işçiləri də var. Lakin təəssüflər olsun ki, Banker.az saytı olaraq, istəmədən bir çox hadisələrin şahidi oluruq. İstər operator ilə əlaqə zamanı, istərsə də bankda olduğunuz zaman bəzi bank işçisinin adi müştərilər ilə rəftarı çox aşağı səviyyədə olduğunu görə bilərsiniz. Təbii ki, bu həm müştəri həm də bankın özü üçün də mənfi haldır.
Bank işçilərinin etiket qaydaları ilə bağlı bir neçə müddətdir ki, apardığımız müşahidələrin nəticələri heç də ürəkaçan olmadı.
Aşağıda bəzi “bank işçilərinin” normal qarşıladığı rəftarlarlar qeyd olunub.
- Qarşısında müştəri oturduğu halda güzgüdə vaxt keçirmək;
- Müştərini gözlədərək, kompüterdə oyun oynamaq;
- Müştərilərlə əl -qol hərəkətləri etmək;
- Nalayiq sözlərdən istifadə etmək;
- Telefonla internetdə vaxt keçirmək;
- Mesajlaşmaq;
- Müştərini gözlədərək, digər işçi ilə şəxsi söhbətlər etmək;
- Müştərini gözlədərək siqaret çəkmək;
- Müştəri ödənişi gecikdirdiyi hal ona nalayiq sözlər demək,hədələmək;
Şəxsi apardığımız araşdırma olduğu üçün bankların adları qeyd olunmayıb. Lakin ölkədə fəaliyyət göstərən 46 bankdan 40%-i bu vəziyyətdədir.
Bu cür rəftarın başlıca səbəbi, Azərbaycanda kredit bazarının boş olmasından irəli gəlir. Banklar müştəri ünsiyyəti ilə yeni müştərilərin cəlbi texnalogiyasını tətbiqinə tələsmirlər-çünki kreditə yararlı kifayət qədər digər şəxslər vardır . Lakin, bazar başqa oyunçularla tutulduqca,yeni müştəri cəlbi, olan müştərilərin loyallığının artırılması ilə onların müştəri kimi saxlanılması artıq bankları məcbur edəcək ki, bu tip güclü alətlərdən biri olan müştəri məmnunluğu sisteminə yenədən baxsınlar.
