5 C
Baku
Friday, February 23, 2024

Banklar müştəridən icazəsiz kreditin valyutasın dəyişə bilərmi?

Son vaxtlar bəzi banklar kredit verərkən müqaviləyə belə bir bənd əlavə edirlər. Bank birtərəfli qaydada kredit üçün verilən məbləğin valyutasını dəyişə bilər. Bu isə o deməkdir ki, bankdan manatla kredit alan şəxsdən bir gün həmin pul dollarla tələb edilə bilər. Ekspertlər belə şərti qanunsuz sayırlar.

 Banklar müqavilə şərtlərinə birtərəfli qaydada valyutanı dəyişməklə bağlı bənd əlavə edirlər. Bəzi kommersiya bankları bu cür addım atmaqla təkcə özlərini sığortalamır, eyni anda vətəndaşın maliyyə savadsızlığından sui-istifadə edərək onu böyük məsuliyyət altında qoyurlar. Ancaq qanunlar bu cür maddənin müqaviləyə əlavə edilməsini qanunsuz hesab edir..
Ekspertlər bildirir ki, ümumiyyətlə müqavilədə sırf hansısa tərəfin marağına xidmət edən xüsusi maddələrin qoyulması qanunsuzdur. Çünki müqavilədəki bütün qaydalar tək bir tərəfin yox, hər iki tərəfin marağına xidmət etməlidir.
Mütəxəssislər bankların fırıldağına aldanmamaq üçün kredit götürən şəxskəri müqaviləni sona qədər oxumağı tövsiyyə edirlər. Artıq müqaviləni imzaladıqdan sonra banklara birtərəfli qaydada hüquqi üstünlük verən müqavilə şərtləri gördükdə isə dərhal məhkəməyə müraciət etmək məsləhət görülür. (xezerxeber)
Son xəbərlər
Digər xəbərlər