Mərkəzi Bank cəmi depozit bazasının valyutalar üzrə strukturunu açıqlayıb.
Banker.az xəbər verir ki, 2020-ci ilin oktyabr ayının 1-nə banklardakı 22 milyard 495.1 milyon manat depozitin 12 milyard 950.2 milyon manatı xarici valyutadadır. Bu məbləğ bugünkü məzənnə ilə təxminən 7 milyard 622 milyon dollardır.
Depozitlərin 9 milyard 545 milyon manatı milli valyutadadır. Bunun 2 milyard 988 milyon manatı müddətli depozitlərdir. Xarici valyutada isə müddətli depozitlər 6 milyard 751 milyon manat təşkil edir.
Sentyabrda manatla müddətli depozitlər 96.2 milyon manat artıb, xarici valyutada depozitlər isə 476.7 milyon manat azalıb.
