Barselona – bu elə bir yerdir ki, orda hər şey var. EADA biznes-məktəbinin dinamik və çoxmillətli şəhərin mərkəzində yerləşməsi tələbələr üçün böyük üstünlükdür.
Biznes
Cushman & Wakefield-in 2010-cu ildə beynəlxalq kompaniyalarda apardığı tədqiqatın nəticəsinə görə, Barselona bugünkü gündə biznes açmaq üçün ən yaxşı beş şəhər sırasındadır.
Barselonanın səhər kimi gecəsi də gözəldir.
Müştəri/istehlakçılarla rahat əlaqə imkanı, kvalifikasiyalı kadr, yaxşı telekommunikasiya və digər şəhərlərlə rahat nəqliyyat rabitəsi kimi amillər qiymətləndirmənin əsas meyarı kimi çıxış etmişdir. Eləcə də, Barselona işçilər üçün ən yaxşı həyat şəraitli şəhər reytinqində birinci yeri tutmuşdur.
Mənzil
Belə ki, sakit Eşample rayonunda mənzilin qiymətləri o qədər də yüksək olmadığına görə, tələbələrin məktəbin yaxınlığı və şəhərin mərkəzində, eləcə də yaxın rayonlarda yaşamaq imkanı var.
Barselona biznes-məktəbinin tələbəsi Adam Caster bildirir: “EADA məktəbinin mərkəzi mövqedə yerləşməsi həm iş, həm də yaşayış üçün idealdır. Bu rayonda avtobus dayanacaqları və metro da var, amma Barselonada hava yaxşı olduğuna görə, mən EADA-ya piyada gedirəm. Bundan əlavə, məktəb Barselonanın mənzərəli sahəsində yerləşir, orda həmişə maraqlı nəsə tapılar”.
Eşamplenin görünüşü
Masters in Finance proqramının iştirakçısı hindli Preeti Lalvani razıdır ki, “ Barselonanın bütün ən maraqlı hadisələri təxminən elə biznes-məktəbin yaxınlığında baş verir”.
Şəhərin digər tərəfində yaşayan tələbələr metro və avtobusdan istifadə edə bilərlər, bu rahat və ucuzdur. Barselonada velosiped yollarının sayının mütəmadi artımını nəzərə alsaq, təhlükəsiz və sağlamlıq üçün faydalı olan velosiped ictimai nəqliyyat vasitələrinə alternativ olaraq çıxış edir.
Mədəniyyət
Barselonanın 2 min illik tarixi şəhərin memarlıq, incəsənət və mədəni irsində iz qoymuşdur.
EADA elə bir əla yerdədir, belə ki o Qaudi tərəfindən tikilmiş məşhur binalar olan Baltonun Evi və Quelin Evindən bir neçə dəqiqəlik məsafədə yerləşir. Bundan başqa, biznes-məktəb bir çox incəsənət qalereyalarının qonşuluğunda yerləşir (bura həm dünya şöhrətli və də ayrı-ayrı kiçik qalereyalar aiddir). Məktəbi, qədim kilsənin yerləşdiyi şəhərin ən qocaman hissəsi olan qotik məhəllədən 20 dəqiqəlik yol ayırır.
Qaudinin şedevr əsərlərin biri – “Daşkarxanası” evi
“Əgər siz bunların yaxınlığında yaşamaq istəyirsinizsə, bu ki əladır!” – Masters in Hospitality Management proqramının iştirakçısı Maya Cinkins bildirir. “Siz lazım olan hər şeyi çox tez tapa bilərsiniz. Bu istirahət üçün əla yerdir. Eşample rayonu isə gecə həyatı ilə məşhurdur”.
Istirahət
Barselonanın iqlimi və coğrafi mövqeyi tələbələrə təhsildən kənar vaxtlarını təmiz havada keçirməyə imkan verir. Günəş, dəniz, dağlar – burda əyləncəli istirahət üçün hər şey var, həm də hər yerdə ictimai nəqliyyat vasitələri də mövcuddur.
Barselonanın diqqətə layiq yerləri – gözəl çimərliklər
Aralıq dənizi sahilində yerləşmiş Barselona təbiətdə istirahət üçün uyğun olan isti, rütubətli və günəşli iqlimə sahibdir. Bununla yanaşı, Pireney dağları da yaxınlıqdadır.
