İspaniyanın Barselona şəhərində turistlər üçün vergi 1 gün üçün 15 avroya çatır. Barselona Avropada turistlərə ən yüksək qiymət tətbiq edən şəhərlərdən biridir.
Məqsəd turist axınını azaltmaq və mənzil böhranını həll etməkdir.
Kataloniya parlamentinin qərarına görə turistlər üçün gündəlik oteldə qalma vergisinin maksimal həddi apreldən etibarən 15 avro müəyyən edilib. Hazırda bu rəqəm 7,5 avrodur.
Son illər regionda turistlərdən narazılıq artıb. Yerli sakinlər iddia edirlər ki, turist axını şəhərdə mənzil böhranına səbəb olub.
Barselona parlamentinin daha əvvəl qəbul etdiyi qərara əsasən 2028-ci ildən etibarən mənzillərin qısa müddətə kirayə verilməsi qadağan olunacaq.
