ABŞ Prezidenti Cozef Bayden sələfi Donald Trampın Çin Xalq Azadlıq Ordusu ilə əlaqəli olan bir sıra Çin şirkətlərinə Amerika investisiyalarının qadağan edilməsi haqqında fərmanını bir il müddətinə uzadıb.
Bu barədə amerikalı liderin çərşənbə axşamı Ağ Evin mətbuat xidmətinin yaydığı bəyanatında deyilir.
“Prezident belə qənaətə gəlib ki, ÇXR öz silahlı qüvvələrinin, kəşfiyyat orqanlarının və digər təhlükəsizlik orqanlarının inkişafı və modernləşdirilməsi üçün resurslar təmin etmək, vəsait təmin etmək üçün ABŞ kapitalından getdikcə daha çox istifadə edir, bu da ÇXR-ə ABŞ ərazisini və Birləşmiş Ştatların qüvvələrini xaricdə birbaşa təhdid imkan verir”, – bəyanatda deyilir.
“Bəzi Çin şirkətlərinə maliyyəni təmin edən qiymətli kağızlara investisiya yatırmaq təhlükəsi, Çin nəzarət texnologiyalarının müəyyən istifadəsi və inkişafı ABŞ-ın milli təhlükəsizliyi, xarici siyasəti və iqtisadiyyatı üçün həddindən artıq və fövqəladə təhlükə olaraq qalır”, – Bayden deyib.
