ABŞ Prezidenti Co Bayden gələn həftənin sonunda Vyetnama səfər edəcək və burada ikitərəfli əməkdaşlıq haqqında danışıqlar aparacaq.
Bu barədə bazar ertəsi Ağ Ev məlumat yayıb.
“Prezident Co Bayden sentyabrın 10-da Vyetnamın paytaxtı Hanoy şəhərinə səfər edəcək. O, Hanoyda ABŞ və Vyetnam arasında əməkdaşlığın dərinləşdirilməsi yollarını müzakirə etmək üçün baş katib Nquyen Phu Trong və digər yüksək səviyyəli liderlərlə görüşəcək”, – deyə məlumatda deyilir.
Məlumatda, həmçinin qeyd olunur ki, liderlər regionda sülh, firavanlıq və sabitlik mövzusunu da müzakirə edəcəklər.
