ABŞ prezidenti Co Bayden Demokratlar və Respublikaçılar Partiyaları tərəfindən irəli sürülən, Nümayəndələr Palatasında qəbul edilən silaha nəzarət qanununu imzalayıb.
Bu barədə Ağ Ev məlumat yayıb.
Qanun ABŞ-da zorakılığa qarşı silah alışını məhdudlaşdırır və qeyri-qanuni silahların yoxlanılmasına icazə verir. Sözügedən qanun Bayden tərəfindən imzalandıqdan sonra qüvvəyə minib.
Qeyd edək ki, silahla bağlı qanun layihəsi Nümayəndələr Palatasında 234 səslə qəbul edilib, 193 nəfər isə buna qarşı çıxıb.
