BƏƏ-nin iri bankları ikinci dərəcəli sanksiyalar riski səbəbindən Rusiya müştəriləri ilə hesablaşmaları məhdudlaşdırır. Bu barədə “Vedomosti”yə iş adamları, “Delovaya Rossiya”nın nümayəndələri, vergi və hüquq məsləhətçiləri məlumat veriblər. Qəzetin mənbəsi bildirib ki, Rusiya hökuməti problemdən xəbərdardır və həll edilə bilən hesab edir.
Banklar Rusiyadan pul qəbul etmir və əks istiqamətdə ödənişlər göndərmir. Kredit təşkilatları ruslara məxsus şirkətlərin hesablarını bağlayır.
Problemlər ABŞ prezidentinin 2023-cü ilin dekabrında ikinci dərəcəli sanksiyalarla bağlı fərmanından xeyli əvvəl başlayıb və bu, Türkiyə və Çin banklarında siyasətin dəyişməsinə səbəb olub. İş adamlarından biri bildirib ki, keçən il boyu çətinliklər olub, lakin sentyabrda “təmizləmə” dalğası başlayıb. Onun sözlərinə görə, o zaman banklar “Rusiya pasportları ilə hesablarda eksponensial azalma keçirirdilər”.
İş adamlarından biri “Vedomosti”yə bildirib ki, ən böyük banklarda hesab açmaq demək olar ki, mümkün deyil.
