Belarus bankları Çinin milli bank köçürmələri sisteminə (CIPS – Cross-border Interbank Payment System) qoşulurlar. Bu barədə respublikanın baş nazirinin birinci müavini Nikolay Snopkov məlumat yayıb.
Bildirilir ki, Belarusda həmçinin “UnionPay” ödəniş sisteminin tətbiqi planlaşdırılır. CIPS sistemi 2015-ci ildə istifadəyə verilib. Ödəniş sistemi yuanla transsərhəd klirinq və hesablaşmalar üzrə ixtisaslaşıb və Çin valyutasının qlobal istifadəsini inkişaf etdirmək məqsədini daşıyır.
Banker.az bu barədə “Vedomosti”yə istinadən xəbər verir.
Rusiya bankları da CIPS-ə qoşulur. Hazırda 20-dən çox bank bu barədə rəsmi açıqlama verib. Onlar arasında “VTB”, “Otkritiye” və “Moskva kredit bankı” var.
