Beynəlxalq Enerji Agentliyi (IEA) gələn il üçün gündəlik qlobal neft hasilatı üzrə proqnozunu artırıb.
Bu barədə Beynəlxalq Enerji Agentliyinin aylıq hesabatına istinadən xəbər verilir.
Hesabata əsasən, agentlik 2024-cü ildə gündəlik qlobal neft tədarükünün 1,5 mln. barel artaraq 103,5 mln. barel çatacağını ehtimal edir (öncəki proqnoz – müvafiq olaraq 1,2 mln. barel və 103,2 mln. barel).
Bildirilir ki, qlobal neft hasilatının artımı ABŞ, Braziliya, Qayana və Kanada hesabına mümkün olacaq.
Hesabata görə, 2023-cü ildə gündəlik qlobal neft hasilatı 1,9 mln. barel artaraq (öncəki proqnoza görə – 1,8 mln. barel), 102 mln. barelədək çatıb (öncəki proqnoz – 101,9). Bu, ABŞ və İranda hasilatının artımı hesabına baş verib.
