Beynəlxalq ictimaiyyət Qarabağı Azərbaycanın bir hissəsi kimi tanıyır. Bunu Ermənistanın baş naziri Nikol Paşinyan bu gün keçirdiyi mətbuat konfransında deyib.
O əlavə edib ki, Ermənistanın təhlükəsizlik sahəsində çox ciddi problemləri var. “Lakin biz bu problemləri həll etmək üçün hər şeyi edirik. Regionda sülh üçün silahlı qüvvələrimizin döyüş qabiliyyəti vacibdir. Ancaq təkcə bununla sülhü təmin etmək mümkün deyil”, – deyə Paşinyan qeyd edib.
Baş nazir bölgədə “sülh gündəliyi”nin reallaşdırılmasının vacibliyini vurğulayıb.
