Oktyabr ayında “Amazon” şirkətinin baş direktoru olan Jeff Bezos-un “Bezos Akademiyası” fəaliyyətə başlayacaq. Milyarderin qeyd etdiyi kimi, bu, aşağı gəlirli ailələrin uşaqları üçün nəzərdə tutulmuş təhsil layihəsidir.
Banker.az bu barədə “Forbes.ru” istinadən xəbər verir.
“Bezos Akademiyası” Sietlin yaxınlığında, yəni “Amazon” şirkətinin qərargahı olduğu şəhərdə yerləşəcək. Məktəbəqədər uşaqlar üçün (3-5 yaş) dərslər il boyu, həftədə beş dəfə təşkil ediləcək. Bu məlumat Bezos fondunun rəsmi saytında yerləşdirilib.
https://www.instagram.com/p/CFcMd_RnQ_I/?utm_source=ig_web_copy_link
Müəssisədəki dərslər Montessori sistemi əsasında qurulacaq. Qeyd edək ki, Bezos özü də iki yaşından dörd yaşına qədər Montessori uşaq bağçasına gedib. 2000-ci ildə “Montessori Life” jurnalına verdiyi müsahibədə iş adamı bu təcrübənin onun üçün faydalı olduğunu söyləyib. “Elmi araşdırmaların nə dediyini bilmirəm, amma intuitiv olaraq bu yanaşmanın balaca uşaqlara uyğun gəldiyini düşünürəm”, – Jeff Bezos söyləyir.
Xatırladaq ki, Bezos məktəbəqədər uşaqlar üçün təhsil müəssisələri şəbəkəsini açmaq niyyətini ilk dəfə 2018-ci ilin noyabr ayında, keçmiş həyat yoldaşı Mackenzie Bezos ilə “Day One Fund” fondunu işə salanda səsləndirmişdir.
“Forbes” jurnalının qiymətləndirmələrinə görə, hal-hazırda Jeff Bezos-un sərvəti 183,1 milyard dollar təşkil edir. Məktəbəqədər uşaqlar üçün təhsil müəssisələrini açmaq xəbərindən sonra bu rəqəm daha 7,8 milyard dollar artıb.
