Forbes jurnalının versiyasına görə, Bill Gates artıq dünyanın ən varlı insanı deyil. Bu titul meksikalı telekommunikasiya maqnatı Karlos Slimə verildi. Planetin ən varlı insanlarının mart reytinqində Microsoft yaradıcısı 76 milyard dollarla 1-ci, Karlos Slim isə 72 milyard dollarla 2-ci pillədə qərarlaşmışdı.
İyun ayının sonunda Karlos Slimin sərvəti 74,5 milyard dollar olaraq qiymətləndirilirdi. Lakin 1-11 iyul tarixləri arasında meksikalı maqnat 5,1 milyard dollar varlanmışdır. Nəticədə o reytinqin ilk pilləsinə yüksəlmişdir və hazırda onun sərvəti 79,6 milyard dollara çatır.
Karlos Slimin sərvətinin artması investorların Meksika şirkətinə məxsus aktivlərin bölüşdürülməsi qərarına müsbət reaksiyası ilə izah olunur. Məsələ ondadır ki, yeni tələblərə əsasən, Meksikada işləyən 1 operator bazarın 50%-dən artığına sahib ola bilməz. Eyni zamanda Karlos Slimə məxsus América Móvil şirkəti ölkənin mobil əlaqə sahəsinin 70%-nə sahibdir.
