“Binance” kriptovalyuta birjasında ticarət həcminin çökməsi (son bir il ərzində mənfi 38%) onun rəhbəri Changpeng Zhaonun sərvətinin qiymətləndirilməsinə yenidən baxılmasına səbəb olub. “Bloomberg Billionaires Index”ə görə, cəmi bir gündə “Binance” rəhbərinin sərvəti 41% və ya 11.9 milyard dollar azalaraq 29.1 milyard dollardan 17.2 milyard dollara düşüb.
Bununla belə, 2023-cü ilin əvvəlindən Changpeng Zhaonun sərvəti, “Bloomberg”ə görə, 37.3% və ya 4.6 milyard dollardan çox artıb. 2022-ci ilin əvvəlində nəşr sahibkarın sərvətini təxminən 97 milyard dollar olaraq qiymətləndirdi.
“Forbes” jurnalının ekspertləri “Binance” CEO-sunun hazırkı sərvətini 10.2 milyard dollar dəyərində qiymətləndirirlər ki, bu da 2023-cü ilin aprelində dərc olunan ən son “Forbes” siyahısındakı qiymətləndirmə ilə (10.5 milyard dollar) demək olar ki, eynidir. 2022-ci il reytinqində “Forbes” Changpeng Zhaonun sərvətini 65 milyard dollar olaraq qiymətləndirdi.
“Bloomberg”in məlumatına görə, Binance.US 2022-ci ilin mart ayında 4.7 milyard dollar dəyərində qiymətləndirilir, birjanın baş direktorunun sərvəti isə 96 milyard dollara çatıb.
Oktyabr ayında ABŞ investoru “Binance” və Changpeng Zhaoya qarşı məhkəmə iddiası qaldıraraq onu FTT tokeni ilə manipulyasiya etməkdə və FTX birjasının çökməsinə səbəb olmaqda ittiham edib.
