“Auctions” hərrac evinin saytında verilən məlumata görə, 2007-ci ildə buraxılmış açılmamış iPhone bazar günü hərracda 39 340 dollara satılıb. “Birinci nəsil smartfon demək olar ki, əla vəziyyətdə qalıb. O, yenidir və aktivləşdirilməyib”, – mesajda deyilir.
Banker.az bu barədə “TASS”a istinadən xəbər verir.
Həmçinin vurğulanır ki, ilk dəfə Stiv Cobs 2007-ci il yanvarın 9-da təqdim etdiyi iPhone smartfon sənayesini həmişəlik dəyişdirərək “zəmanəmizin ən mühüm və geniş yayılmış ixtiralarından birinə” çevrilib.
Business Insider xəbər portalının qeyd etdiyi kimi, 2007-ci ildə ilk iPhone modeli 599 dollara başa gəlib. ABŞ Əmək Departamentinin Statistika Bürosunun məlumatına görə, inflyasiya nəzərə alınmaqla hərracda satılan smartfon bu illər ərzində təxminən 45 dəfə bahalaşıb.
