“BlackRock”un “iShares Bitcoin Trust Bitcoin” ETF-i rekord kapital axını qeydə alıb.
Banker.az xəbər verir ki, “BlackRock” şirkətinin “iShares Bitcoin Trust” (ETF) 30 oktyabr ticarət sessiyasının nəticələrinə görə $872 milyon məbləğində rekord kapital axını qeydə alıb ki, bu da mart ayında Bitcoin qiymətinin pik nöqtəsinə çatdığından daha yüksəkdir.
İki ticarət həftəsində ABŞ-da Bitcoin-ETF-lərinə investorlar tərəfindən təxminən $5 milyard daxil olub, bunun yarıdan çoxu məhz “BlackRock” fonduna aiddir. Mövcud minlərlə müxtəlif aktivlər üzrə ETF-lərin yalnız 10%-i bütün fəaliyyət müddətləri ərzində bu qədər kapital toplaya bilib.
ABŞ-da ilk ETF-lər 1990-cı illərin əvvəllərində, qızıl ticarəti üçün ETF-lər isə 2004-cü ildə yaranıb.
“Bloomberg” tərəfindən sorğulanan analitiklər, Bitcoin fondlarındakı belə yüksək ticarət fəaliyyətini ABŞ-da qarşıdan gələn prezident seçkiləri ilə əlaqələndirirlər. Ekspertlər Bitcoin-in yüksəlişini Donald Trampın qələbə şanslarının artması ilə bağlayırlar.
